உன் பண்டிகை தினபுத்தாடை நானில்லை
நீ தினம் உடுத்தும் கிழிந்த சீருடை நான்
நீ என்றோ ஒரு நாள் தின்னும்
கறியும் சோறும் நானில்லை
நீ தினம் குடிக்கும்
பழைய கஞ்சி நான்
நீ ஆசையோடு பார்த்து
கடந்து போகும்
அந்த நகை கடையின்
வெள்ளிகொலுசு நானில்லை
உன்னோடு தினம்
நடக்கும் உன் காலின்
தேய்ந்த செருப்பு நான்
வறுமையிலும் உன்னை
காதலிப்பதால் நான்
என் வறுமையையே
காதலிக்கத் தொடங்கி விட்டேன்
No comments:
Post a Comment